شخابيط لساك مش قادر تنسى
إن قساوته غلبت كل الكلام ...
لساك قادر تعيش بعدما
سابك ولا قالش حتى سلام ...
عايش بتلعن وتحرق وتدفن
سيرة مشعللة رغم كتر الآلام ...
لساك شايل قلبك بين كفوفك
مستني تقدمه كفن في يوم من الأيام ...
وعشان المرحوم كان غالي
طلعتله شهادة وفاة .. ودفنته
ووقفت تاخد العزى وبنيت عليه المقام ...
-2.jpg)
هناك 19 تعليقًا:
بالنسبة لقصيدة جديدة، وأول مـرة، ولكوني أول تعليق، أحب أقول لك :
مبرووووووووووووووووووووووك
القصيدة حلوة قوي، فيها هنَّات بسيطة ف الوزن، وبعدين أنا شايف تكتبيها نثر أحلى، بس برضك حلوة....
اعتراضي ع العنوان، شايف فيه تساهل حبـة، لا يتناسب مع الموضوع الجيد للقصيدة
ندخل بقى ف الفنيَّات....
.
.
ومانطلعش :)
جميلة جدا القصيدة القصيرة دى
بالتوفيق ان شاء الله
حلوة يا رنا
بس ما تعمليهاش تاني
خليكي في القصص أحسن
جلوة قوي الشخابيط دي يا سيدتي
فعلا انت حكاية
كل الود لك
حلو الكلام
بس حزين اوى
تحياتى
عودة الى الوراء
ورجوع راقى للنفس
تأنيب ربما مؤلم ولاكنه سيترك بصمته الى الأبد
..................
تحياتى
سندريلا
ليست "شخابيط " إطلاقاً بل نبضات ترسل ذبذباتها للمتلقي ..
أعيدي النظر بعنوانك ..
وتحياتي لقلمك النابض ..
جميل جميل جميل..عجبتني جدا واحساسها عالي اوي..شكرا عليها.
إبراهيم
مرحبا بك مجددا في مدونتي .. مرحبا بتعليقاتك ياصديقي
أنا عارفة أن الوزن فيه حاجات مش تمام
أنا فعلا كنت هكتبها نثر بس لما القافية اتظبطت قلت أنزلها كده وأشوف
بالنسبة للعنوان ده عنوان " بلوجي " بسيط
إنما أنا بفكرلها في عنوان تاني خالص
أشكرك
شكرا لمن علق ولم يترك أسمه
* * * *
مادو
أكيد .. متقلقش
ولا أنت خايف على نفسك كشاعر
قول .. قول ماتتكسفش
:)
دي أول مرة تعلق في المدونة ويارب متكونش الأخيرة
كاتب مصري
وكأنك تعلق
وكأني استمع
مش حكاية أوي يعني
تحياتي لك
* * * *
د.عمرو
أهلا بك
منور والله
عادي ان يصبح الحزن سمة وليس أسلوبا
sendrella
كيف حالك؟
أو ربماهو تخلص من إحساس ما قد يثقل رئتيك ويمنع عنهما الهواء .. فلا يترك أي أثر
* * * *
mai nagib
هو العنوان هيتغير فعلا
حلو أوي إنك حستيها
تحياتي لقلمك أيضا
* * * *
أحمد المصري
أهلا بك في أول زيارة لمدونتي
جميل إنها أول زيارة
جميل أنها عجبتك
جميل أكتر إنك حسيتها
ويارب متقطعش الجوابات
بالنسبه لدخولى لأول مره لمدونتك بهنيكى عليها
وبالنسبه للقصيده أنا حاستها قوى...ليكى ألفاظ فى العاميه..صور فيها الرائع وفيها اللى لازم تعيدى النظر فيه تانى ...بس القصيده هايله
أحمد الشاعر
http://soatmakboot.blogspot.com/
ههههههههههههههههههههههههههههه
أكيد لو خايف فأنا خايف على قلم أظنه جيد
أحمد الشاعر
أهلا بك في أول زيارة للمدونة
شكرا على إحساسك بالتعبيرات الكويسة
وشكرا لأن رأيك مهم بالنسبة للحاجات اللي المفروض أعيد النظر فيها تاني
أتمنى تعدي علينا تاني
* * * *
مادو
شكرا جدا
:)
انا بس جاي اقرا الفاتحة على المقام
شيللاه يا سيدي يا اسمك ايه ..
حلوة
:)
ههههههههههههههههههه
ماشي ياعدوي حلوة فعلا
أسمه سيدي الطشطوشي ياعم
ههههههههه
عرفت ليه دلوقتي يحي هاشم مش بيخليني اقول شعر في الساقية
.
.
ههههههههه
.
.
بقي هي الحكاية كدا ماشي ماشي
ع العموم ملحوقة
.
.
بالنسبة للبلوج ياستي الف مبروك ولو انها جات متاخر قوي
.
.
سلاماتي يا قمر
ادم المصري
أدم المصري
إزيك ..
كويس جدا إنك تعرف الساقية وشكلك بتروح كتير
وشكلي كده أعرفك
ولو طلعت اللي في بالي هـ ......
ربنا يستر
المهم
جميل إنك عديت من هنا
الله يبارك فيك يا باشا
إرسال تعليق